சங்கரம்மா (சிறுகதை)
சங்கரம்மா எங்க அம்மா சங்கரம்மாவும், சீனியம்மாவும் பருத்திக் காட்டுக்குள்ள பருத்தி திருடுறதுல இருந்து, கரிசக்காட்டுக்குக் களை எடுக்க போறது வரை எல்லாத்துலயும் சேக்காளிக தான். சீனியம்மா வீட்டுகாரரும், எங்க அய்யாவும் பக்கத்து பக்கத்து அச்சாவீஸ்ல வாட்ச்மேன் வேலை பாத்தாக. அந்தந்த அச்சாவீசுக்குள்ளயே தங்குறதுக்குச் சின்னதா ஒரு வீடு போட்டு கொடுத்திருந்தாக. இரண்டு அச்சாவீசுக்கு இடையில கம்பிவேலி இருக்கும். அந்த வேலில ஒரு ஆள் உள்ள நுழைஞ்சு போற அளவுக்கு இருக்குற கம்பிய வெட்டி ஓட்டை போட்டு ரெண்டு வீட்டு ஆளுகளும் அங்குட்டும் இங்குட்டும் போயிட்டு போயிட்டு வந்துகிடுவோம். சீனியம்மா காட்டு வேலைக்கு போயிட்டு வந்தா நேரா எங்க வீட்டுக்கு தான் வரும். எங்க வீட்டை ஒட்டி எங்கய்யா வச்ச வேப்பமரம் ஒன்னு நல்லா வளர்ந்து பெருசா இருக்கும். அதோட ...