kavithai sitharalgal

உன் வனப்பு காட்டும் புன்முறுவலில் எந்தன் பொழுதும் இனிதாய் புலர்கிறதடா !!   உன் வதன சந்திர பிம்பத்தால் என்னை உயிர்ப்பித்து உலாவ விடுகிறாயடா !!   சொல்லில் அடங்கா ஏகாந்தம் உன் மென்பஞ்சு பாதங்களை கண்களில் ஒற்றும்போது !!   பிறை நுதலின் நட்சத்திர ஒளியால் என் கண்களின் பாவையாகிறாய்   உன் கன்னக்குழியின் சிரிப்பழகில் வீழ்ந்த என்னை உன் வெண்டை விரல் பிடித்து மீட்டுச் செல்லடா  !!   கடினமான தருணங்களைக்கூட இலகுவாக்கி  காட்டுகிறாயடா உந்தன் அபிநயங்களால் !!   பெருந்தவம் புரிந்தேனோ உன் கோவைப்பழ உதட்டு முத்தம் பெற்றிடவே !!   என் முத்து பெற்றெடுத்த நல்முத்தே !  உன்னை வாரியணைத்தபடிதான் எந்தன் ஆவியும் அடங்குமடா !!    

சொக்கட்டான் ஆட்டத்தில் பாதியில் எழுந்த பானுமதியை தடுத்த கர்ணனின் கைப்பட்டு  முத்து மேகலை தெறிக்க கண்ட துரியோதனன் எடுக்கவா ? கோர்க்கவா ? முத்துக்களை எனக் கேட்டு நட்பிற்கு இலக்கணமாகிறான் !!   பேரழகுடன் ஜொலித்த ஜனகரின் மகளைக் கவர்ந்து வந்தாலும் அவளின் சம்மதமில்லாமல் தீண்டக் கூடாதென நினைத்த இராவணன் ஆண்மையின் இலக்கணமாகிறான் !!   ஆனாலும் துரியோதனின் நாடாளும் ஆசையும் இராவணனின் பெண்டாளும் ஆசையும் இரு பெரும் போரின் அடித்தளமாகி களங்கத்தையும் அழிவையுமே தந்தது !!   அர்த்தமில்லாத ஆசைகள் அவமானத்தை மட்டுமல்ல அழிவையும் தேடித் தந்து வாழ்க்கையின் பாதைகளை மாற்றிவிடுகின்றன !!            

ஆக்ரோஷ அலைகளின் நடுவே தனியாகத் தத்தளித்துப் போராடி எதிர்நீச்சலிட்ட கரை சேர்ந்தபின் வருகின்றன   வேடிக்கை பார்த்த வல்லூறுகளின் கூட்டமொன்று போராடிக் களைத்து விட்டாய்  சற்றே இளைப்பாறு என் நிழலில் நான் இருக்கிறேன் உனக்கு  என்று பொய் வர்ணம் பூசிய முகங்களோடு  

  வார்த்தை ஜாலமில்லாத அன்பை குழைத்து வர்ணம் தீட்டுகிறாய் உள்ளத்தில் !!   மயிற்பீலியை விட மென்மையாக மனதை வருடிச் செல்கிறாய் !!   தவறவிட்ட அன்பின் நேசங்களை ஒட்டுமொத்தமாக அள்ளித்தந்து திகைப்பில் ஆழ்த்துகிறாய் !!   என் ஒவ்வொரு நொடியையும் அழகாக்கி மகிழ்ச்சியால் நிரப்புகிறாய் !!   ஆண் வெட்கப்படுவது அலாதியான அழகுதான் தெரிந்துகொண்டேன் நீ வெட்கப்படும்போது !!   எவ்வளவு நேரம் நீ பேசினாலும் இன்னும் சற்று நேரம் பேசக்கூடாதா என்றுதான் மனம் ஏங்கித்தொலைக்கிறது பேசுவதற்கு எதுவுமே இல்லையென்றபோதும் !!

 இது என்ன  புதுவிதமான அவஸ்தை ? உன்னைவிட்டு  விலகிய பின்பும்  நீ இருக்கிறாயா எனக்  கண்காணித்துக்கொண்டே  இருப்பது !! பெயருக்கு அருகில்  பச்சை வர்ணம் ஓளிர்ந்தால்  என் கண்களும் மிளிர்கிறது !! இதழ்களில் குறுநகை ஓடுகிறது !! மனதில் ரோஜாக்கள் பூக்கின்றது !1 அருகில்தான் இருக்கிறாயென !1 இல்லையென்றால்  முகம் அனிச்சை மலராகிறது !! இதழ்கள் இறுகிக் கொள்கிறது !! மனம் தொட்டாச்சிணுங்கியாகிறது !! என்னவாயிற்றோவென  பதறுகிறது !! தேடல் அழகுதான்  தேடப்படுபவர்  புரிந்துகொண்டால் !! மதில்மேல் பூனையாய்  இருக்கும் இந்த மனதை  வைத்துக் கொண்டு நான்  என்ன செய்வது ? நீயே சொல்லிவிடு !!

வயிற்றுப்பாட்டிற்காக திரி கிள்ளி கரி மருந்து வெடிக்குள் பாதியும்  வயிற்றுக்குள் மீதியும்  செல்ல வம்பாடு பட்டு வாழ்க்கை நடத்த எங்கள் உயிரையும் துச்சமாக மதித்துதான் பணிக்கு செல்கிறோம் !!   மத்தாப்புக்களின் வர்ணங்களில் எங்கள் வாழ்க்கையின்   பழுப்பேறிய பக்கங்கள் ஜுவாலிப்பதேயில்லை  !!   கிட்டங்கிகள் எரியும்போது எங்கள் மக்களின் வாழ்க்கையும் கனவுகளும் சேர்ந்தே எரிந்து சாம்பலாகின்றன !!   எத்தனை எத்தனை  உயிர்கள் எரிந்தாலும் , மாண்டாலும்  திரி கிள்ளும் பயணமும் சரம் பின்னும் பயணமும் தொடர்ந்து கொண்டேதான் இருக்கும் எஞ்சிய நாட்களை வாழ்வதற்காக !!   வருடத்தின் ஒரு நாள் குதூகலத்திற்கு வருடம் முழுவதும் பணயம் வைக்கிறோம் எங்கள் இன்னுயிரை வேறு வழியில்லாமல்  !!   மனித தவறா ? இல்லை இயற்கையின் தவறா ? எப்பொழுதும் எங்கள் கந்தக பூமி கனன்று கொண்டேதான் இருக்கிறது !!   வழக்கம்போல எங்கள் மக்களும் சுழன்று கொண்டேதான் இருக்கிறார்கள் !!    

உன் பேனாவில்  மையிட்டு  எழுதாமல்  அன்பை நிரப்பி  எழுதுகிறாயோ !  உன் எழுத்துகள் இப்படி  சுழலுகின்றன என்னுள்  !! பார்க்காமலே , அறியாமலே  உன்னிதயம் நெருங்க  ஏதேனும் வசியம்  செய்தாயா என்ன ? மனம் கட்டுண்டு  கிடக்கிறது உன்னுள் !! என் உலகம் மிகச்  சிறியதடா அதில்  ஏன் இவ்வளவு  பெரிய தாக்கத்தை  உருவாக்கிவிட்டுப்  போகிறாய் ? என் இதயம்  தங்காதடா பெரும்  புயலின் பாரத்தை !1 உணர்வுகளைத் தூண்டி  விளையாடுவது  எந்தவிதத்திலடா சேர்த்தி  காமமில்லாத காதல் செய்யவும் முடியுமடா  என் ரசனைக்காரா !! பேசமாட்டேன் எனச்  சொல்லி கோபம்  கொண்ட நாழிகை  முதல் உன்னையே  சுற்றி வருகுதடா  இந்த கூறுகெட்ட மனது  ஆனாலும் பேசுவதற்கு  ஏதோ ஒன்று  தடுக்கிறது !! பரவாயில்லை இதுவும்  அழகுதானடா  தூரத்திலிருந்தே  இப்படி பேசாமல்  பேசிக்கொள்வது !! சிறிது விளையாடிதான்  பார்ப்போமே இந்தக்  கண்ணாமூச்சி  ஆட்டத்தையும் !!  

                                                                                                                      உழவன் கணக்கிட்டால்  உழக்கு கூட  மிஞ்சாதென்பர்  ஆனாலும் கணக்கிடாமல்  ஒவ்வொரு முறையும்  எழுந்து நின்றுவிடுவோமெனும்  நம்பிக்கையில் வானம் பார்த்து  உழவிட்டு, விதை விதைத்து  களையெடுக்க ஆட்கள்  பார்க்க அனைவரும்  "அனைவருக்கும் வேலை " திட்டத்தில் வேலைக்கு  சென்றுவிட தானே தனியே உழன்று  செம்மையிட்டு கொண்டுவர  பருவம் தப்பிய பருவத்தில்  வருணபகவனின் திடீர்  விஜயத்தால் பாழுமாகிறதே பயிர்கள் அனைத்தும்  !! வாங்கிய கடனுக்கு  வட்டியும் கட்டமுடியாமல்  நிலமகளை விட்டுச்செல்லவும்  முடியாமல் "திரிசங்கு"  நி...

  காற்றில் மிதக்கும் கனவுகள் ------------------------------------------------- நிறைவேற்ற முடியாத நிஜங்களின் ஏக்கங்கள் ஆழ்மனதில் விரியும்போது ஏற்படும் ஏகாந்தம் !! பேரன்பின் வெளிப்பாடாய் , அரிதாரப் பூச்சாய் , அச்சத்தின் அணிகலனாய் , ஏமாற்றத்தின் உருவாய் , உணர்ச்சிப் பிழம்பாய் , இப்படி ஆயிரமாயிரம் வண்ணமயமான கனவுகள் தினமும் !!   பொய்யென்று தெரிந்தும் கனவொன்று கண்டால் நன்றானால் மகிழ்ந்து தீதென்றால் துடித்து வாழ்வதென்பது நிதர்சனம் !!   எத்தனையெத்தனை கனவுகள் வந்தாலென்ன அத்தனையிலும் நீ வந்து நீங்கா நினைவலைகளை நெஞ்சில் நிறைத்து என் கனவுகளை காற்றில் மிதக்கவிடுகிறாய் !!